EKOFUSİN        vaginal suppozitoriyalar
ECOFUCIN

Beynəlxalq patentləşdirilməmiş adı: Natamycin

Tərkibi                                            
Təsiredici maddə:   1 vaginal suppozitoriyanın tərkibində 100 mq natamisin vardır.
Köməkçi maddələr: laktuloza, makroqol qliserilhidroksistearat, kolloidal silisium dioksid, bərk piy.

Təsviri
Ağ rəngdən açıq qəhvəyi rəngə qədər torpedo şəklində vaginal şamlardır. Qıfşəkilli dərinliyin olmasına yol verilir. 

Farmakoterapevtik qrupu
Kortikosteroidlərlə kombinasiyalar istisna olunmaqla, antimikrob və antiseptik vasitələr. Antibiotiklər.
АТC kodu: G01АА02.

Farmakoloji xüsusiyyətləri
Farmakodinamikası
Makrolidlər qrupundan olan göbələkəleyhinə polien antibiotikidir. Geniş təsir spektrinə malikdir. Funqisid təsir göstərir. Natamisin hüceyrə membranlarının sterolları ilə geridönməz şəkildə birləşərək, onların tamlığını və funksiyalarını pozur və bu, mikroorqanizmlərin məhvinə gətirib çıxarır. Əksər patogen maya göbələkləri, xüsusilə Candida albicans, həmçinin Torulopsis, Rhodotorula, Aspergillus, Penicillium və dermatofitlər (Trichophyton, Microsporum, Epidermophyton) natamisinə qarşı həssasdır. Klinik təcrübədə natamisinə qarşı rezistentlik rast gəlinmir. İn vitro qrammüsbət və qrammənfi bakteriyalara təsir göstərmir.
Farmakokinetikası
Natamisin sistem təsir göstərmir, belə ki, praktiki olaraq selikli qişa səthindən sorulmur. 

İstifadəsinə göstərişlər
Candida albicans göbələkləri tərəfindən törədilən vaginitlər, vulvitlər, vulvovaginitlər. 

Əks göstərişlər
Preparatın tərkibindəki maddələrdən hər hansı birinə qarşı yüksək həssaslıq.

Xüsusi  göstərişlər və ehtiyat tədbirləri
Preparatın istifadəsi zamanı xüsusi ehtiyat tədbirləri tələb olunmur. 

Vaginal şamlar bədən temperaturunun təsiri altında sürətlə əriyərək köpüklənən kütlə əmələ gətirir ki, bu da təsiredici maddənin bərabər paylanmasına səbəb olur. Xroniki və ya residivləşmiş infeksiyalarda yerli müalicə natamisin preparatının tablet və krem dərman formalarında təyin etməklə tamamlana bilər. Şamlardan istifadə zamanı cinsi əlaqədən imtina etməyə ehtiyac yoxdur. Lakin, cinsi tərəfdaşların müayinə edilməsi və kandidoz zədələnmə aşkar edildiyi halda natamisin preparatı ilə müalicə kursu aparılması tövsiyə edilir. Həmçinin, müalicə müddətində baryer kontraseptivlərin istifadə edilməsini nəzərdən keçirmək lazımdır. 

Digər dərman vasitələri ilə qarşılıqlı təsiri
Natamisin digər dərman vasitələri ilə qarşılıqlı təsiri qeyd edilməmişdir. 

Hamiləlik və laktasiya dövründə istifadəsi
Ekofusin vaginal suppozitoriyaların hamiləlik və laktasiya dövründə istifadəsi mümkündür. 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Təsir göstərmir. 

İstifadə qaydası və dozası 
Vaginitlərdə, vulvitlərdə, vulvovaginitlərdə 3-6 gün müddətində 1 vaginal suppozitoriya hər gecə yatmazdan əvvəl uşaqlıq yoluna dərinə yeridilir. Xəstəliyin simptomları itdikdən sonra müalicəni daha bir neçə gün davam etdirmək tövsiyə edilir. Müalicə kursunun müddəti fərdi olaraq müəyyən edilir. 
Vaginal suppozitoriyanın tətbiqindən əvvəl əllərinizi yuyun və qurudun. Suppozitoriyanı konturlu yuvalı qablaşmasından azad edin. Uzanıq vəziyyətdə ayaqlarınızı bir qədər yuxarı qaldırın. Suppozitoriyanı uşaqlıq yoluna mümkün qədər dərinə yeridin. Yarım saat ərzində uzanıq vəziyyətdə qalmağa çalışın. İstifadədən sonra əllərinizi bir daha yuyun.
Vaginal suppozitoriyaların effektivliyinin mümkün azalmasından və ya yeridilmə ilə bağlı çətinliklərindən menstruasiya dövründə istifadəsi tövsiyə edilmir.
Candida albicans tərəfindən törədilən vaginitlərin davamlı gedişi zamanı bağırsaqda kandidoz infeksiyasının sanasiyası üçün əlavə olaraq, natamisin daxilə qəbul üçün tablet formasında (10-20 gün müddətində gündə 4 dəfə 1 tablet) təyin edilir. Cinsi tərəfdaşın cinsiyyət orqanlarının kandidoz zədələnməsinin müalicəsi üçün natamisin krem şəklində istifadə edilir. 
Pediatrik xəstələr 
14 yaşdan kiçik uşaqlarda istifadə olunmamalıdır.
Xüsusi qrup xəstələrə dair əlavə məlumat
Böyrək/qaraciyər funksiyası pozulmuş xəstələr
Ekofusin yerli istifadə olunur. Preparatın aktiv maddəsi praktiki olaraq selikli qişa səthindən sorulmur və sistem təsir göstərmir, buna görə də, böyrək və/və ya qaraciyər funksiyası pozulmuş xəstələrdə doza tənzimlənməsinə ehtiyac yoxdur.
Yaşlı xəstələr
Cavan xəstələrdə olduğu kimi eyni dozalarda istifadə edilir. 
Bakirələrdə istifadə olunmur.
Daxilə və başqa üsullarla istifadə olunmamalıdır.

Əlavə təsirləri
Natamisin vaginal suppozitoriyalar istifadə zamanı çox nadir (<1/10000) hallarda yerli reaksiyalar (uşaqlıq yolunda yüngül qıcıqlanma və göynəmə hissi) müşahidə oluna bilər.
Arzuolunmaz effektlər baş verdikdə həkimə müraciət edin.

Doza həddinin aşılması
Doza həddinin aşılması halları barədə məlumat verilməmişdir.

Buraxılış forması
Vaginal suppozitoriyalar, 100 mq.
3 və ya 6 suppozitoriya, polivinilxlorid/polietilendən hazırlanmış konturlu-yuvalı qablaşdırmada. 1 və ya 2
konturlu-yuvalı qablaşdırma, içlik vərəqə ilə birlikdə karton qutuya qablaşdırılır.

Yararlılıq müddəti
2 il.
Yararlılıq müddəti bitdikdən sonra istifadə etmək olmaz.

Saxlanma şəraiti
25С-dən yüksək olmayan temperaturda, orijinal qablaşmasında (qutuda)  və  uşaqların əli çatmayan yerdə saxlamaq lazımdır.

Aptekdən buraxılma şərti
   Reseptsiz buraxılır.

İstehsalçı
AVVA RUS JSC, Russia.
53А, Luganskaya Street, Kirov, Kirov region, Russia.

Qeydiyyat vəsiqəsinin sahibi
AVVA RUS JSC, Russia.
Krylatskie Kholmy Str., 30 bldg 9, Moscow, 121614, Russia.